男版購物狂

蘋果新os會係10月26號出, os我就一定買正版, 無論係MAC OR WINDOW, 但無諗過可以用平過老翻的價錢買到. 我就係呢個網節省了接近一千元. 點解? 自己研究吓.

http://www.asia.apple.com/macosx/uptodate/

而家上網訂要$1000,教育界就可以$890, 跟住畀我見到呢個網, 最後我用咗HKD$70買咗佢. 點解? 自己諗, 自己試.

用唔到呢個價錢買,唔得唔好問我. 我都係……..好彩. 以前我會好衝動, 即時畀錢, 唔會試, 今次省吓的錢, 可以等我十二月買部IPHONE玩吓, 當送畀自己的聖誔禮物. 講開又講, 又人傳十二月會月部16GB的IPHONE(8, 9成機會), 其實我都覺得8GB細, 所以唔買住, 佢出16GB我就買, 我而家都係用緊部3代20GB. 有人話有3G版添(1成機會都冇), 唔理咁多, 佢出16GB就買. 都預咗畀阿JOBS係我錢包攞錢. 唔夠去鬥. 係要畀佢攞. 哈哈!

順便提一提諗住買MAC機的朋友, 等多幾日, 26號先買. 因為會跟埋新機一齊出, 唔駛另外畀錢. 唔似得WINDWS呀(黃金機DIY). 仲有一個傳言, 蘋果會出新款NOTEBOOK(12吋細SIZE)同個新OS一齊出, 不過蘋果一出新野, 就乜都有人傳, 信唔信, 你自己諗過. 我就信1成多D啦.

呢幾日好多人嚟睇部TYTN II, 部機好好用. 留意吓我個BLOG啦. 會講多少少部機可以點用. 下星期一再POST出嚟. 癮吓你呢! 哈哈!

上一期講到自己換咗部PPC,今次講吓部機同埋講吓呢期有咩野又想買.

講返部機, 用咗個多月, 套用楊先生的用語'感覺良好'. 部機未試過死機, 要RESET. 開頭唔識用, 個GPS好慢. 但更新咗衞星資料後就好暢順. 內置的軟件都好夠用. 不過提一提買家, 部機隻光碟裏面有個SOFTWARE係跟機時未裝落部電話到, 要自己裝, 係卡片皇, 唔係試用版, 係完全版, 都好方便, 個軟件係要嚟張張卡片的資料輸入到電話的通訊錄入面. 只要用相機影張卡片, 再用呢個軟件就認到D字, 幾好. 不過唔知係個軟件問題定係其他原因, 白色卡片認得差D, 顏色卡片就認得好好. 大家可以試吓玩.

另一個軟件要裝的就係MAP KING. 可以試吓個GPS. 暫時試用都OK. 遲D去台灣靠佢帶路. 所以先買呢部機. 網上有D人話部機慢, 但我暫時有一個初步結論, 就係部機唔慢得過部838pro, 但電話按鍵就真係慢小小, 用指甲去篤會好d, 用手指頭篤會慢d.

部機上網同其他野都冇問題, 個java runner都ok, 同舊的比好咗少少, 但仍然有d java game行唔到. 呢方面仍要改善. 最慘就係仲未有收音機, 成日畀人講. 我就對部機好滿意. 唔知買咗的朋友有冇其他意見呢.

仲有就個wifi，同838比，tytnii認得快好多，同埋穩定好多，冇繼續咁濟。到好電量，好838pro 5-10%，以前要一日义一次電，而家勉強可以用到兩日，但只可以有少量wifi。同埋正常咁用部電話，我平均每天傾45分鐘到1小時電話。要唔要買多舊電，你自己諗，行貨電要$320，到行買，街買信唔過，好似多假電。

到個操作介面喇，繼touch之後，TYTNII再用，呢個介面係係touch用過的介面，好得，但就冇咗cubic個效果，因為會拖慢部機(apple出呢d花巧野0大家就yeah!，其他公司就……，所有人都中咗蘋果毒)。但真係好方便，同O2比，個人認為同O2不相上下。咁程度上好過O2，有人會話坊間有好多ADD-ON的SOFTWARE都做到，但我就貪佢夠方便，唔駛攪咁多野，之前部838 PRO就試過裝個IPHONE介面，好煩，而家就乜都唔駛，幾方便，所以我好LIKE。

 講咗好多，有人會問，點解唔買IPHONE，話畀大家知，我下一部就會係IPHONE，不過等佢有3G同16GB版本先，有人用緊的話留個言。謝謝。

好喇講第二樣野, 就係部蘋果手提電腦, 買咗又係一個月多d, 都ok, 裝咗個boot camp, 可以同時用蘋果的操作系統同埋WINDOWS, 蘋果對香港巿場真係一D都唔關心, 隨咗IPOD係香港大賣之外, 原來香港買IPOD係全世界第二最平, 仲平過美國買, 有朋友嚟, 可以介紹佢哋買. XD. 講返轉頭, 點解會話蘋果唔關心香港個巿場, 就係因為香港人唔知乜野係BOOT CAMP, 唔知蘋果電腦同其他電腦有咩唔同. 同埋……….轉頭返嚟再打過.